WILLEMSTAD - Awe den oranan tempran di mainta kuerpo polisial i pa ta mas spesífiko e tim spesialisá di UST a hasi un entrada hudisial den área di Fuik. Esaki relashoná ku un posibel plantashon di mariwana ku lo mester ta tumando lugá na e sitio aki. Na yegada di outoridatnan mesora a kanta bingo i a bai na detené un hende hòmber i a konfiská un arma di kandela tambe. Mesora a inisiá e trabounan pa kita tur e matanan di mariwana i a kue tur e lusnan tambe ku ta usa den e proseso di kresementu di e plantashon. No ta konosí ainda di kuantu mata di mariwana e plantashon aki tabata konsistí di dje. E investigashon ta kontinuá i e sospechoso a keda hiba warda di polis pa interogashon.