Pa mas o ménos 4:24 awe mardugá un temblor mas i awor esun di mas fuerte a sakudí e isla di Puerto Rico. E temblor di magnitut 6.5 a kousa basta daño den algun zona. Na promé instante asta a emití un alerta pa Tsunami pa Puerto Rico i tambe Islanan Virgenes merikano, esaki a keda kanselá mas despues. Henter e isla a sufri un blackout.

E episentro di e temblor tabata na profundidat di 10 kilometer. Segun ekspertonan lo bai tin vários repliká den próksimo dianan. Gobernadora di Puerto Rico, Wanda Vasquez a bisa ku no tabatin ningun informe di víktima fatal.

Ayera tabatin un otro temblor fuerte di magnitut 5.8 ku ya a kousa basta daño. E temblor mas teribel den historia di Puerto Rico tabata na aña 1918 ku un magnitut di 7.3 i ku a kosta bisa di 116 persona.