WILLEMSTAD.- Awe den oranan di mainta un hòmber a fayesé ku tabata enbolbí den un aksidente awe mardugá na altura di e restorant ‘Eetcafé De Buurvrouw’, ántes Martha Koosje. Segun polis e shofùr pa motibu nan deskonosí ta pèrdè kòntròl riba su stür i ta bai bòltu ku su pikòp di forma violento.

Brantwer di Barber a kòrtá e pikòp pa por a saka e víktima den estado krítiko for di dje. Lamentablemente un ratu despues a drenta e tristu notisia ku na Curaçao Medical Center e hòmber víktima a fayesé a konsekuensia di e múltiple leshonnan ku e la risibí.

Palabra nan di kondolensia ta bai na famia nan di e defuntu i pas na su alma.