WILLEMSTAD.- Un biaha mas brantwer mester a sali pa atendé ku outo na kandela. E biaha aki ta na Triangelweg. Segun doñonan di e outo a indiká di a kaba di yega kas ku e vehíkulo, stashoná esaki, pa despues nan mira huma ta sali for di e outo. Te ora nan kier reakshoná, kandela a poderá dje outo, i a distruí esaki kompletamente. Riba foto por mira kon e outo ta na kandela i e kantidat di huma ku esaki a produsí.