WILLEMSTAD.- Djadumingu mardugá un outo a kima kompleto, despues di un choke. Esaki a sosodé na skina Bahamasweg i Blanquillaweg. Dunamentu di preferensia tabata kousa di e aksidente, na momentu ku un di e vehíkulonan no a para pa e otro. E choke a pone ku e outo chikí a pega kandela. A pidi presensia di brantwer rápido pero no por a evitá ku e outo a kima kompleto. E otro outo a bai pega den muraya di un kurá. Ambulans tambe a presentá pa tira bista riba e shofùrnan. Polis ta sigui ku e investigashon.