Outo di huida den dòbel asesinato lokalisá

WILLEMSTAD/HELLEVOETSLUIS.- Ayera nochi alrededor di 10’or di anochi (ora ulandes), polisnan a bin topa ku e vehíkulo ku posiblemente a ser usa den likidashon di tio i subrino Rimon.
E outo tabata stashoná den Pieter Postplein. Manera ta konosí, dia 26 di desèmber último e dos kurasoleñonan Faichel Rimon (22) i su tio Shurandly (29) a pèrdè nan bida na momentu ku nan tabata para pafó di kas ta huma na Branding, Hellevoetsluis. Testigunan a mira un Dodge Ram pretu kore bai despues di e insidente. Polis tabata investigando e vehíkulo ku nan a topa.
Polis ta indiká ku te ainda tin tres hòmber komo sospechoso señalá komo responsabel p’e likidashon i ku entre tantu a pidi nan búskeda internashonalmente. Esaki di tal manera ku nan no por bandoná Ulanda fásil. Tambe polis ta informá ku ketu bai un tim di 20 reshèrshi ta trahando riba e kaso aki.
Famia di e víktimanan a indiká ampliamente den prensa, ku nan sa ta ken a kometé e krímen aki. Ta trata di nan mes konosí ku pa kolmo ta biba den mesun bisindario di nan.
Hasta promé ku e asesinato a tuma lugá, e sospechosonan lo mester a pasa dilanti kas di miembro di famia Rimon. E dos víktimanan tabata di bishita na kas di nan famia e anochi ei, esta dos dia di Pasku.

SHARE

LEAVE A REPLY