WILLEMSTAD.- Dos siman pasá tabatin un aksidente den Kaya Nathan kaminda un vehíkulo a bai kai den roi. Tur kos ta mustra ku e shofùr sea no a ripara ku el a yega final di e kaminda òf el a pèrdè kontròl i bai kai den e roi. E outo a haña basta sla, el a kibra winshil i tambe e glas patras, su ‘airbag’-nan a bula i na e motor tambe el a haña hopi sla. Despues di e aksidente e okupantenan i e shofùr a kore bai. Miéntras tantu e outo ainda ta e mesun kaminda. E ta ainda den e roi bentá i niun hende a hasi intento pa bai sak’é. No ta konosí ku polis a logra haña doño di e vehíkulo aki.