WILLEMSTAD – Ni un siman no a pasa ku Extra a publiká un artíkulo tokante e situashon di ladronisia di piesa di outo ku a Sali totalmente for di kontrol. Ya e siman aki por a lesa di mas di e ladronisianan aki i ayera anochi no tabata un eksepshon. Ayera e víktima a kai na e kompleho di apartamentu riba Perseusweg. E ladronnan a bula drenta e kompleho aki i a logra kita lusnan i kita frame di radiator kompleto bai kuné di un KIA Spotage. E doño di e vehíkulo awor tin un gastu ya ku no solamente e pèrdè e piesanan di su outo pero tambe a okashoná basta daño na front e outo.