Willemstad.- Awe mainta outoridatnan polisial a keda pone na altura di un outo prosedente di ladronisia ku a deskubrí den mondi patras di vèlt di Soto.
Mirando kuantu trabou mester a hasi pa saka e outo for di e mondi, probablemente esaki tin un ratu kaba ku malechornan a kue pa bai plum'é. E agentenan polisial ku tabata enkargá ku e kaso a haña nan ta kap basta palu pa asina krea un entrada i salida pa logra saka e outo. Ladronisia di outo ku e meta pa kita piesa fo'i dje ta kompletamente fo'i man riba nos pais i ta parse ku outoridat no ta logra pone man riba esnan responsabel. Di otro un banda ta e demanda haltu pa piesa di outo barata ku tin den kaya ta pone ku e malechornan ta konsiderá esaki komo un forma fásil pa traha plaka.