WILLEMSTAD. - Ayera den oranan di mèrdia Sentral di Polis a risibí notifikashon ku un vehíkulo lo mester a alkansá un hóben riba Weg naar Welgelegen. Esaki tabata motibu ku mesora a dirigí algun unidat polisial na e sitio i na mes momentu a pidi presensia di ambulans.

Na yegada di e unidatnan polisial na e sitio nan a komprondé ku e hóben lo a krusa kaya sin paga tinu ku un vehíkulo tabata aserkando i e choke tabata inevitabel.

Personal di ambulans a trata e hóben na e sitio i mirando ku su situashon ta di atenshon a transportá e hóben ku urgensia pa hospital.