WILLEMSTAD.- Den oranan di atardi polis di Montaña a bolbe haña 2 outo prosedente di ladronisia. E bia aki tabata na Noorkant riba un tereno bandoná. Aki ta trata di un Kia Picanto i un Mitsubishi Montero, malechornan a pluma e Kia, pero no a haña chèns di pluma e Montero. Polisnan ta sigui atento e dia nan aki, p’asina logra pone man riba esnan ku ta hasi nan mes kulpabel den e kasonan di ladronisia di outo. A bai ku e vehíkulonan pa mas investigashon.