WILLEMSTAD.-   Ayera durante oranan di mainta miembronan di Kuerpo Polisial di Kòrsou a bishitá Goslinga School na Otrobanda pa asina duna diferente informashon na e studiantenan.

Pero lamentabel ta ku durante di e charla aki nan a risibí informashon ku lo mester tin algun alumno den poseshon di kosnan ilegal.

Mesora e polisnan a bai over pa tene un kòntròl riguroso riba e tereno di skol i tambe den tur e klasnan.
Pa nan sorpresa durante di e kòntròlnan aki a bin topa ku arma blanku, arma di airsoft, kashi di bala di airsoft i tambe un bòter di Wiski.

Tur esakinan e alumnonan tabatin huntu ku nan bou di ora di skol.

Mesora outoridatnan a bai ku 7 studiante (5 hòmber i dos muhé) warda di polis miéntras ku e pidi presensia di tur e mayornan i a atendé severamente ku nan riba nan komportashon.