WILLEMSTAD.-Segun informashonnan internashonal, polis di Dubai a detené e yu di Kòrsou Shurandy Quant. Ministerio Públiko di Sint Maarten a pidi kaptura di Quant. Ministerio Publiko di Korsou ta bisa ku nan no tin niun komentario riba e detenshon aki.

Ta sospecha Quant di a duna enkargo den diferente kaso di likidashon, sekuestro, labamentu di plaka i ku e ta duna guia na organisashon kriminal. A echonan kastigabel lo a keda kometé den diferente parti di reino i otro teritorionan. Ministerio Públiko di Kòrsou ta bai pidi su ekstradishon.

Outoridatnan tabata buska e sospechoso aki basta tempu kaba. E koperashon entre e diferente kuerponan polisial i timnan di investigashon na nivel internashonal a kondusí na e kaptura di Quant na Dubai. Mas detaye den edishon di EXTRA.

LAGA UN KOMENTARIO

Please enter your comment!
Please enter your name here