WILLEMSTAD.- Outoridatnan polisial ta investigando dos kolega ku lo mester a kometé aktonan di iregularidat na Barak di indokumentadonan na prisòn.

Segun kuerpo polisial pa algun dia kaba tin un investigashon tantu interno komo penal andando kontra dos agente maskulino di Kuerpo Polisial.

Ta trata aki di un investigashon tokante di supuesto iregularidatnan ku a tuma lugá na e Barak na S.D.K.K., na unda e personanan di nashonalidat venezolano indokumentá tabata keda.

E investigashon aki ta ser hasí dor di e Departamento di Asuntunan Interno di Kuerpo

Polisial Kòrsou bou di supervishon di un fiskal di Ministerio Públiko.

Manera ku resultado di e investigashon ta konosí, por duna mas informashon.

EXTRA tin informashon ku e damanan lo mester a hasi denunsia di akto di inmoral ku nan ku e dos agentenan polisial lo a kometé.