WILLEMSTAD.- MEO i BAB pa di tantísimo biaha mester a bai na Boca Minimarket ku ta keda na Boca Sami.

Esaki despues ku un biaha mas, abitantenan mester a sera kabes i buska yudansa di instansianan konserní pa asina por pone òrdu i para inhustisia den e Minimarket aki.

Na yegada di e funshonarionan un biaha mas a konstatá entre otro:

preis ta ekstremadamente haltu for di normal, preis di produktonan pre paketá no ta kuadra, indikashon di preis no tabat’ei i asta a konstatá produktonan ku e komersiante tabata kobra dòbel impuesto.

Tambe a topa ku produktonan kaduká i a konstatá benta di shòt di wiski lokual ta for di lei.

Mirando tur esakinan, e funshonarionan a sera e minimarket aki te próksimo aviso.