WILLEMSTAD. - Ministerio Públiko wardando riba outoridatnan merikano pa ekstradishon di tres kurasoleño tuma lugá.

Manera ta konosí, tabatin un proseso largu pa por ekstraditá e tres kurasoleñonan pa teritorio merikano, mester indiká ku di parti Ministerio Públiko tur kos ta kla.

E último detaye ku mester a keda realisá  ta e firma di Gobernador, i mientrastantu esaki a tuma lugá, loke mester hasi aworakí ta warda riba e merikanonan.

Di nan parti mester kaba di regla nan dokumentashonnan i tambe avisá personal di DEA pa bin buska e tres kurasoleñonan.

Miéntras tantu e tres sospechosonan di lei pa teritorio merikano ta detené i mester indiká ku e dianan ku e tres kurasoleñonan sinta aki na Kòrsou i St. Maarten, lo keda dedusí for di e kastigu ku keda imponé na Merka riba e sospechosonan aki.

Manera ta ampliamente konosí, e tres akusadonan aki a sòru pa no ménos ku 60 kilo di koka yega Merka i tin asta menshon di mas ku  20 kilo ku tabata den e transporte ku outoridatnan merikano lo a pèrdè.