WILLEMSTAD.- Unidatnan di bombero ayera atardi a keda dirigí pa Warawaraweg na Damacor. Esaki debí ku un palu bastante grandi a kai i blòkia kaminda i tambe entrada di kas. Ta trata di un palu ku tabata den un kura di kas pero ku ya tin hopi aña.

Probablemente e palu  a kuminsá bira bieu i a bini abou. Danki Dios e palu  no a kai riba nada partikular.

Bomberonan a presentá na e sitio ku makinarianan spesial pa asina por a kap e palu aki den pida, di manera ku por a habri e kaminda i tambe entrada di kas bek. Tabata un trabou ku a dura algun ora promé ku a logra keda kla.