WILLEMSTAD.- Siudadanonan atento a tuma nota di un situashon peligroso riba Presidente Romulo Betancourt Boulevard na altura di e monumento di kaida di brùg, kaminda tin un palu ta kologá riba kaminda. E palu ta kologá riba kaya i nos di EXTRA a haña di konosé ku ya tin 2 kaso registrá kaminda outomobilistanan a dal nan spil di outo kibrá, i no sa unda nan mester ta pa por duna un keho di esaki p’asina haña e gastunan kubrí. Nos a komprondé ta ku tabatin un kontratista tabata enkargá ku mantenshon i limpiesa di e área aki, pero pa motibunan finansiero lo no ta hasi e trabou di limpiesa na e sitio aki.