WILLEMSTAD – Awe mainta un kliente a bishita un establesimentu riba Jan Noorduynweg unda e ta kustumbrá di kumpra su pan tur mainta. Awe su pedido tabata pan ku saldinchi pero pa su sorpresa, no ta saldinchi so tabatin den e pan pero un pida metal tambe. Na momentu ku el a bai reklamá esaki i pidi pa papia ku e doño, nan a bir’e bek. Ojo pa ora kumpra pan afó pa no tin sorpresa den pan. Riba e foto por mira e pan i tambe e pida metal.