WILLEMSTAD.- Tin un update relashoná ku e kaso di paramediko merikano David Pecora ku a duna un entrevista mentiroso i blasfemá kontra di Kòrsou. Ta trata di un paramediko ku a bin Kòrsou den un grupo di trahadónan di enfermeria pa yuda na CMC.
Ayera e kanal di notisia merikano WCCO a indiká ku e paramediko en kuestion a hòrta un kantidat di droga fo'i CMC ku durante di investigashon a haña den su kamber di hotel.

Den e video entrevista ku ta kompañá e artíkulo aki, e direktor di Expeditionary Healthcare dr. Andrew Walker a splika ku e asuntu ku polis a bent’é den un sèl i asta a batié pa despues poné riba avion i mand’é Merka bèk ta puramente fantasia.

David Pecora ta insistí ku loke el a bisa ta bèrdat, sinembargo e no ta den servisio mas di Expeditionary Healthcare.