WILLEMSTAD.- Kantu di e playa na Parasasa ta tur na sushi. E kònteinernan ta asina yen te nan a basha over, tin kùp, tayo, karton ta zuai aki i aya kantu di e playa. Selikor parse ta atrasá ku rekohementu di sushi. Pero bishitantenan di e playa aki ta hasi un petishon pa yuda limpia i bai ku e sushinan i pa esnan ku ta bishitá e playa, si no tin kaminda pa benta e sushi afó, mihó bai kas kuné i tir’é den kliko na kas!