Parlamentario Rojer na warda reshèrshi pa interogashon

...Meindert ‘Menki’ Rojer...

WILLEMSTAD.- Un ratu pasá parlamentario Meindert ‘Menki’ Rojer a drenta warda di reshèrshi kompañá pa su abogado Chester Peterson. Den deklarashon di Rojer prome ku e drenta warda di reshèrshi, el a bisa EXTRA ku el a haña un yamada di outoridatnan pa e entrega su mes pa asina polisnan por skuch’é. Esaki lo mester ta relashoná ku ponementu òf su reakshon riba un post riba Facebook.

Parlamentario Rojer a bisa tur e representantenan di medionan di komunikashon presente ku e no a hasi nada, solamente el a komentá riba loke un hende a pone riba Facebook. Tambe el a bisa ku e no tin miedu di nada pa motibu ku e no a falta ku niun lei, loke sí Rojer tin miedu di dje ta si sali kargá for di warda di polis (red. Rojer tin miedu di salu morto for di warda di polis). Por a tuma nota na momentu ku e tabata bai drenta warda di polis kon algun hende tabata bisa e parlamentario pa no kome ni bebe nada pasobra no por konfia niun hende. Nan tin miedu pa no venená e parlamentario. Mas detaye den edishon di EXTRA.

SHARE

LEAVE A REPLY