Jacinta (MFK) tei pa forma kuórem

WILLEMSTAD.-Parlamento di Kòrsou a kuminsá reuní bek, despues di basta ratu ku no a logra forma kuórem. For di despues ku Yeser El Ayubi a bandoná Parlamento no tabata posibel pa forma kuórem debí ku koalishon a keda ku 10 asiento i oposishon ku tambe a keda ku 10 no tabata duna kolaborashon pa forma kuórem.

Awe sra. Jacinta Constancia tei bek den Parlamento. Manera e mes a klarifiká ponensia di su kolega parlamentario di MAN, Eugene Cleopa, sra. Constancia a duna di konosé ku e ta malu i ainda no ta kompletamente kurá, sinembargo e tei pa kumpli ku su tarea.