Emmilou Capriles e di 21 parlamentario

WILLEMSTAD.-Un ratu pasá sra. Emmilou Capriles a hura dilanti di su ekselensia gobernador sra. Lucille George-Wout pa asina bira e di 21 miembro di Parlamento. Awor Parlamento di Korsou ta kompletu atrobe. For di 11 di febrüari a kuminsá un situashon entre miembronan di koalishon i oposishon. Miembronan di oposishon no a forma kuórem pa niun reunion ku a sigui poniendo ku no por a trata i aprobá kredensialnan di sra. Capriles.

Awe sra. Capriles a subi trapi i drenta palasio di gobernador pa e hura. E tabata kompañá pa su mama i su tata. Segun presidente di Parlamento, e echo ku a stroba un miembro di drenta Parlamento ta un akto anti demokrátiko. Awor sra. Capriles ta bira e promé parlamentario ku a drenta funshon pa medio di un medida di alto supervishon.