WILLEMSTAD.- Un informashon prosedente di Ulanda a sòru pa basta konmoshon aki na Kòrsou. Ta asina ku algun ratu pasa a bira konosí un moshon di Parlamento Ulandes ku ta trata islanan di Karibe Ulandes. Segun e informashon inisial, Ministerio di Defensa lo a haña enkargo di Tweede Kamer pa kuminsá konsulta ku aliadonan pa posibel refuerso di defensa militar pa Aruba, Kòrsou i Boneiru. Segun e informe, Tweede Kamer a ekspresá preokupashon riba e situashon eksplosivo na pais bisiña Venezuela.

Situashon Venezuela por eskalá

E preokupashon ta ku un ora pa otro e situashon por eskalá. Parlamento ulandes awe mainta lo a pasa un moshon den kua ta duna enkargo na minister di defensa sra. Ank Bijleveld pa papia ku aliadonan Fransia i Gran Bretaña pa logra un defensa barbá pa islanan di Karibe ulandes. Keda pendiente pa mas detaye.