WILLEMSTAD – Un biaha mas un parokia ta bira víktima na man di ladronnan. E biaha aki a toka turno na Parokia di Montaña durante dianan di kambio di aña. E ladronnan a logra kibra di kandal di un kònteiner den kura di Misa. Nan a bai ku tur material ku ta keda usa pa hasi mantenshon di e Misa di Montaña. A logra bai ku entre otro vários hèrmènt i otro asesorionan ku ta usa pa hasi limpiesa di e kura di Misa. Tur e materialnan aki pastor ta logra haña via rekoudashon di fondo trahando duru pa e parokia por sirbi un i tur. Pastor ta hasi un yamada pa pone e kosnan di Misa bek.