WILLEMSTAD.- Ayera 27 di desèmber a selebrá dia di inosentenan.
Esaki a keda selebrá na mayoria parokia aki na Kòrsou.
EXTRA tabata di bishita na Parokia La Birgen di Fatima Suffisant kaminda Reverendo Pastor Morrison La Porte a selebrá e dia spesial aki ku un misa spesial i adaptá pa mucha kaminda di un manera kreativo i edukashonal a trese e palabra dilanti.
E selebrashon a konta ku presensia di un kantidat hopi grandi di muchanan kuminsando for di beibi kompañá pa nan mayornan.
Despues e selebrashon a kontinua pafó di misa ku fiesta pa tur mucha.