WILLEMSTAD.-  Komishon di Elekshon di Reina 2018 a ranka sali ku e aktividatnan pa e partisipantenan pa embahadornan di Karnaval di Bándabou.
Djasabra último, 9 desèmber  2017, e partisipantenan a haña un workshop di ‘Public Speaking’ serka Amarcelli Scoop. Riba e dia aki partisipantenan na Elekshon Reina, Prens i Pancho tabatin  oportunidat di ranka number di aparishon den un forma kulinario kreativo.
Tin nuebe partisipante pa Reina di Karnaval Banda Abou  i e órden di partisipashon ta lo siguiente: Kandidata nr 1: Varely Seales; Kandidata nr 2: Angeligue Girigori; Kandidata nr 3: Daixvienne Nicolas; Kandidata nr 4: Faytierre Candelaria; Kandidata nr 5: Quedinee Zimmerman; Kandidata nr 6: Xiantha Isidora; Kandidata nr 7: Ghiany Vrutaal; Kandidata nr 8 Loenairies Hose i Kandidata nr 9: Nayeli Olbino.
Pa duo prens i pancho tin tres duo: Duo nr 1 : Samir Jansen i Rudley Sambo; Duo nr 2 : Edmar Jansen i Jacqier Tweeboom i Dou nr 3 : Germaine Alberto i Jennevic Petronia.
Dia  16 di desèmber 2017 e partisipantenan lo partisipá nan di dos workshop ku lo ta “Social Media”.
FKBB lo respetá e dianan di Fiesta  di Nansementu di Kristu Hesus i lo sigui ku e ensayonan  pa e partisipantenan den luna di yanüari 2018, kual e partisipantenan lo haña workshop riba “kombersashon”, workshop kon ta traha headpiece, bodypiece, dòrna sapatu, “stage performance”, etikèt di mesa, vestuario, makiahe, diseño di trahe karnavalesko, merkadeo pa Karnaval  i peñamentu di kabei. FKBB kier a yama danki na tur spònser ku a yuda, ta yuda i lo sigui yuda FKBB engrandesé Karnaval di Banda Abou.