WILLEMSTAD.- Ayera nochi na Pasawa Box Eatery e grupo nobo di Karnaval ‘Party Peeps Carnival Group’ a presentá nan trahe di Karnaval.

Grupo di baile Explosion Dancers a habri e presentashon kaminda PPCG a presentá nan 12 modèlnan, repartí den 8 tema pa Karnaval 2025 ku e tema prinsipal di Carnival Heroes, inspirá riba e super héroenan Wonder Woman i Thor den un ambiente i kreatividat karnavalesko.

E trahenan ku a keda presentá ta Amazon Battle Princess, Asgardian Warrior, Starlight Defenders, Asgardian Warriors, Amazon Empress, Asgardian Emperor, Amazon Color Princess i pa duna homenahe na e Amazona legendario, e trahe Wonder Woman Original.

Esnan presente tabata tin oportunidat pa yena nòmber pa mas informashon di e trahenan i reunion pendiente pa loke ta bira miembro di e grupo nobo aki. Si bo ta un persona ku ke un eksperensia inolvidabel di goso, servisio amabel i preferensial sin importá kua trahe bo a skohe òf den kua sekshon bo ta ata bo oportunidat pa bira miembro di e famia di Party Peeps Carnival Group – Where every beat is a celebration! Facebook Page: Party Peeps Carnival Group, Instagram: partypeepscarnivalgroup, Email: partypeepscarnivalgroup@gmail.com, WhatsApp: +599 9 523 6955.