WILLEMSTAD – Pasaheronan riba buelo di TUI ku mester a regreso Kòrsou bek ayera nochi tur a haña hospedahe den Santa Barbara Resort. Ta asina ku buelo OR370 algun ratu despues di lanta buelo for di aeropuerto Hato mester a regresá pa motibu tékniko. Segun informashon lo mester tabatin problema ku e sistema di anti eis pero esaki no a keda konfirmá ainda pa bosero di e kompania di aviashon TUI. E Dreamliner di TUI a sali alrededor di 9:00 pm pero despues di 2 ora den laira a regresá Kòrsou. Na tres kilometer for di Hato tur kombustibel a ser laga basha afó. E piesanan nobo lo keda trese awe durante dia i ta programa pa e buelo aki sali awe nochi bek pa Amsterdam. Miéntras tantu manera a indiká kaba tur pasahero a pasa anochi den Sta. Barbara Resort.