Willemstad.- Preis di pasashi pa Aruba i Boneiru lo bira un tiki mas karu denter di korto tempu. E motibu di esaki ta ku e impuesto èkstra di Fl. 4,50 riba e preis di kada pasashi ku Kòrsou lo bai implementá. E impuesto èkstra aki ta pa kubri kosto nan pa e ekspanshon di outoridat di aviashon CCAA. E ta bai prinsipalmente pa e okupashon di personal i e ta nesesario pa por bolbe kumpli ku rekisito nan pa optené e kategoria 1. Awor aki mester di sigur 8 pa 9 trahadó mas pa asina por pone tur kos den balansa.