WILLEMSTAD - – Entrante di e siman akí pashèntnan ku ta hòspitalisá na Curaçao Medical Center por risibí un bishita tur dia entre 3or di atardi i 4or di atardi. E bishita mester ta esun persona di kontakto asigná durante e proseso di atmishon òf durante nan estadia.

Mirando ku e situashon di COVID-19 ta relativamente bou di kontrol, CMC a tuma e desishon pa suavisá e reglanan pa bishita. Un bishita ta un parti importante den un pashènt su proseso di kura. Aunke hòspital tin “Embahador di Amor” ku ta pasa bishitá pashèntnan hospitalisá, nada por kompará ku un bishita di un ser kerí.

Reglanan di distansia sosial, taka boka i higiene di man ta keda na vigor.