WILLEMSTAD.- Patrick Grayham, e kantante ku bos di seda ta lansa un produkshon nobo kompaña pa e briante kitarista di Kompa, e haitiano/ kanades, Michael Henry i riba drùms e eks miembro di e banda Intwine, Rocheteau Mahuwallan.

Produkshon di kansion ‘Visions of Love’ a keda den man di e super produktor hulandes/ surinameño, Kris Salvathore (produktor pa Damian Marley, Chris Brown i Yellow Claw).

Pa re-enforsá stèm den e produkshon Grayham a konta ku kolaborashon di Angela Vergouwen.  Remarkabel ta e echo ku niun di e músikonan aki a konosé otro en persona pa motibu di e pandemia di COVID-19, pero mester bisa ku e pandemia a yuda inspirá e produkshon si.

Patrick Grayham ta un kantante i kompositor di Sony/ATV di nashonalidat Hulandes Karibense. Su músika ta un fushon di ritmonan Karibense kompañá pa kitara i stèmnan suave komo realse. Algun di su éksitonan ku ta mas renombrá ta e hit “Fire”,”Bolbe” i “Pretty Girl” kual a yega den posishon halto riba tòp tantu den Karibe komo Sürnam i Hulanda.

Ademas di komponé su propio kansionnan, Grayham ta brinda su talento pa komponé pa otro artistanan tambe. Manera “Shot Gun” di Yellow Claw ku ta sertifiká ku kuater título di platino. Na aña 2016 Grayham a risibí un galardon di Buma pa su méritonan komo un kompositor renombrá.

LAGA UN KOMENTARIO

Please enter your comment!
Please enter your name here