WILLEMSTAD.-Un ratu pasá a drenta informashon ku sentral di polis a dirigí un patruya pa un skol sekundario den área di Suffisant. E promé informashon ta indiká ku dosentenan a tuma nota di aktuashon straño serka un alumno. Dosentenan lo a tuma nota di algu paresido na holó di alkohòl i kombiná ku e aktuashon no usual a pone ku esaki a hala atenshon. Den pasado a resultá na otro skol sekundario, unda a pidi asistensia di polis, pero despues e situashon a bira algu diferente. EXTRA ta pendiente mas informashon di outoridatnan ya ku ainda tin polis na e skol.