WILLEMSTAD.- Awe militarnan di Kòrsou ku ta den entrenamentu pa bira korporal, ta hasi patruya sosial den Willemstad. E siman aki, i tambe próksimo siman, pueblo por mira militarnan den henter nos isla komo parti di e fase final di e entrenamentu pa bira korporal. Asina Defensa ta duna di konosé awe.

Na ougùstùs último, 22 militarnan, tantu di Aruba komo di Kòrsou, a kuminsá ku un entrenamentu intensivo pa bira korporal. Na e momentunan aki, ainda tin 5 militarnan ku ta parti di e entrenamentu. E 5 militarnan aki ta den nan fase final.

E fase aki ta inkluí, entre otro, e realisashon di patruya sosial den e siudat. Ora nan kompletá eksitosamente e fase aki, nan lo bira ofisialmente korporal, un rango ku ta mas haltu ku esun di un sòldat. Djabièrnè 23 di febrüari mainta lo tin seremonia pa e korporalnan nobo, esaki lo tuma lugá na base na ‘Marinekazerne’ na Suffisant.