WILLEMSTAD – Awe mardugá alrededor di 4or, Sentral a risibí yamada ku lo tin un kas na kandela den e bario di Monte Carmelo. Na yegada di e unidat polisial i di brantwer a bin komprondé ku lo tin un persona ketu bai den e kas. A kuminsá e proseso pa drenta e kas i mester a kòrta heru pa por a logra esaki. Ora a logra drenta e kas a bin topa un hende hòmber ku ya no tabata duna señal di bida. Dokter polis mester a yega na e sitio pa konstatá e morto. Di Bosero Polisial, Maurits Rosalina a konfirmá na EXTRA ku un persona a pèrdè su bida den un kasa na kandela den bario Monte Carmelo i ku lo inisiá e investigashonnan rondó di e kaso lamentabel aki. Den último aña ya ta di vários kaso ku personanan ta pèrdè nan bida den kasnan na kandela i sigur ta un preokupashon pa Kuerpo Polisial.

++UPDATE++

Polis awe mèrdia a duna di konosé ku víktima di e kandela ta e hòmber Toola Singh nasé na Guyana dia 3 di mart 1961.