WILLEMSTAD.- Lokèt di Pèrmit di Ministerio di Maneho di Gobernashon, Planifikashon i Servisio Públiko konhuntamente ku Ministerio di Enseñansa, Siensa, Kultura i Deporte ta informá ku por apliká pa petishonnan pa Transporte Eskolar (Schooltransport) 2024-2025.

For di djaluna 22 di yüli 2024 por hasi petishon pa Transporte Eskolar na Lokèt di Pèrmit. Mester pasa personalmente na e lokalidat.

E dokumentonan ku ta nesesario pa hasi e petishon ta lo siguiente;

Karta di skol ku e yu ta inskribí pa aña eskolar 2024-2025 ku stèmpel i firma di skol.

Identifikashon válido (Sédula, Rijbewijs òf Pasport) di e mayor(nan) òf di tutor ku ta hasi e petishon;

Sédula di e yu òf si e yu no tin Sédula, su karchi di SVB;

Prueba di entrada di Mama i Tata, òf di e Tutor

Si mayornan ta traha, mester trese slep di salario di último luna;

Si un di e mayornan no tin entrada òf no ta traha, mester tuma un deklarashon di Inspekshon di Belasting  (Por hasi esaki via di mail: inkomensverklaring@gobiernu.cw);

Si un di e mayornan a pèrdè trabou, mester bini ku karta di retiro i último slep di salario;

Si mayor ta kobra ònderstant, mester bini ku karchi di MCB (SOAW);

Buki di Famia òf Trouwboek òf Akta di nasementu òf Uittreksel di Kranshi (Esaki mester ta klaramente visibel)

‘ Voogd’ /Tutor mester trese e desishon (Beschikking) di Korte.

Si e yu ta interná na un Fundashon:

Fundashon mester trese karta ku e yu ta den e instituto. E persona ku ta hasi e petishon, mester demostrá ku e ta traha na e instituto.

Kamara di Komersio di e Fundashon

Ta importante pa duna un email adrès i un number di telefòn pa por komuniká. Ta pidi pa tuma bon nota di e fecha ariba menshoná i perkurá pa bo tin tur bo dokumentonan na òrdu pa bo por hasi bo petishon.

Lokèt di Pèrmit ta alkansabel via e siguiente kanalnan.
Number di telefòn:  433-3123
WhatsApp:    433-3127
Página sosial Facebook:   Lokèt di Pèrmit

Página sosial Instagram:  loket.di.permit

Lokèt digital:                               https://loketdigital.gobiernu.cw/

Adrès: Saliña 127 Eurobuilding (Banda di Subway)

Orario:   djaluna pa djaweps di 08:00 – 15:00 or  djabièrnè di 08:00 – 12:00 or