WILLEMSTAD.- Aña 2022 a sera miéntras ku aña 2023 a inisiá ku e mesun kos, esta vários kaso di kiebro i robo di vehíkulo.

Den e último oranan di aña, esta djasabra último, polisnan a señalá un pikòp riba Schottegatweg Noord. Deskonosínan a stashoná e vehíkulo i a bai laga esaki. Ora polisnan a yega serka, a tuma nota ku ta trata di un pikòp ku a keda hòrtá algun dia atras. No ta konosí pa kiko e ladronnan a usa e vehíkulo. Den mayoria kaso e vehíkulonan hòrtá  ta keda usá pa kometé kualke akto kriminal. Den e kaso aki e ladronnan a bai laga esaki bandoná mei mei di tráfiko. No a kita ningun piesa afó, pero si tabatin daño material konsiderabel prinsipalmente parti paden di e pikòp.

Ku un kran a konfiská e vehíkulo i a transporte pa warda di polis pendiente mas investigashon.