WILLEMSTAD.- Ayera den oranan di mèrdia, outoridatnan a keda dirigí pa Schottegatweg Zuid pa asina atendé ku un aksidente ku a tuma lugá kaminda un pikòp a bòltu.

Na nan yegada na e sitio, a topa ku e pikòp di bòltu i un kantidat di santu bashá riba kaminda. Segun por a komprondé, e shofùr a bai hasi un “U-Turn” pero algu a bai robes i e shofùr a bòltu ku e pikòp. E aksidente aki a kousa basta konsternashon den tráfiko pa algun ratu.

E kaminda a keda parsialmente será, te na momentu ku a kaba di registrá e aksidente i a limpia e kaminda.