WILLEMSTAD.-Partido MFK den un informe ofisial a duna un bista di e situashon di salú di nan lider polítiko sr. Gilmar Pik Pisas. MFK ta splika ku e kondishon di salú di Pisas en general ta hopi bon. Tin un tratamentu ku mester tuma lugá pa kua Pisas a disidí di hasi esaki ku tablet. Esei ta e motibu dikon Pisas lo ta 3 dia mas den hospital. Su retina (netvlies) di wowo ta afektá i pa e motibu aki dòkternan ta rekerí di un tratamentu di 72 ora tambe. Esaki ta e status awe.

Pa loke ta trata formashon di un gobièrnu nobo MFK ta informa ku esaki ta sigui kana su rumbo no opstante ousensia físiko di e lider polítiko. Awe den oranan di mèrdia el a firma e dokumentonan nesesario pa esaki sigui avansá pa bienestar di Kòrsou.

MFK ta pidi pa hinka Gilmar “Pik” Pisas, e partido i e Kòrsou kompleto den orashon.