WILLEMSTAD.- Minister-presidente Gilmar ‘Pik’ Pisas ta anunsiá kambio temporal pa ku okupashon di e karteranan ku aktualmente a keda sin un minister.
Pa ku e ministerio di Desaroyo Sosial, Labor i Bienestar (SOAW) : E minister ku ta keda enkargá ku e Ministerio aki lo ta Minister Javier Silvania. E remplasante lo ta minister-presidente Gilmar Pisas.
Pa ku e ministerio di Desaroro Ekonómiko MEO): E Minister ku ta keda enkargá ku e Ministerio aki lo ta minister Charles Cooper. E remplasante lo ta minister Shalten Hato.
Pa ku e ministerio di Maneho di Gobernashon, Planifikashon i Servisio Públiko: E minister ku ta keda enkargá ku e Ministerio aki lo ta minister Shalten Hato. E remplasante lo ta minister Sithree van Heydoorn.
Pa ku e remplasantenan di Promé Minister: Vise Promé Minister lo ta minister Charles Cooper i segundo Vise Promé Minister lo ta minister Sithree van Heydoorn.