WILLEMSTAD.- Miéntras tin piska, esaki lo ta disponibel na barku na Sha Capriles kade. Ayera e boto di piska Little Princes a kuminsá ta bende piska na e kade dilanti di MCB na Punda. Einan ta kaminda sa bende piska normalmente, te na momentu ku e barkunan mester a bai bek Venezuela i no a regresá. Pero awor tur kos ta sosodiendo lokalmente. A kuminsá ku bendementu di fruta i berdura lokal i tambe otro produktonan ku nos propio hendenna lokal ta produsí. I awor ta sigui ku piska fresku. Miéntras tin piska esaki lo ta disponibel pa tur hende pasa e kumpra den Punda manera e fotonan aki ta indiká. E boto ta yega for di 6 or di mainta i for di e momentu ei e piska nan tei pa kumpra.