WILLEMSTAD.- Outoridatnan a keda dirigí ku urgensia na e pir na Piscadera. Esaki despues di a risibí informashon, ku tin un hòmber tur na sanger. Na nan yegada na e sitio, en bèrdat a topa ku un hòmber latino heridá bentá riba e pir.

E hòmber aki a indiká na outoridatnan ku el a hañ’é den un diskushon fuerte ku un konosí, lokual a kondusí na e maltrato. E sospechoso a laga e víktima seriamente heridá ku heridanan na vários parti di su kurpa.

Ambulans a presentá na e sitio, i e paramédikonan a duna e hòmber promé asistensia pa despues transport’é pa departamento di emergensia di CMC  pa tratamentu médiko avansá.