WILLEMSTAD.- ya ta di 100 mil biaha (manera ta bisa den bon papiamentu) nos ta publiká e fotonan di palmanan riba e bulevar Helmin Wiels. Washingtonia a keda planta aki, pa dòrna e kaya ku asina tantu enpartikular turista ta usa. Kier  a impreshoná nan mustrando kon bunita Kòrsou ta. Pero el a bira awor nèt robes. Ta un bèrgwensa pa e turistanan tuma nota ku ni e palmanan ku nos a kumpra pa planta, nos no por kuida. Hopi plaka benta afó ku e palmanan di Washingtonia aki.

I pa kolmo awor nan ta un peliger pasobra nan a muri praktikamente, nan ramanan ta kologá i ku e bientu fuerte ku ta supla nan por kousa asta daño na outonan ku ta trafiká riba e bulevar aki.

Un tristesa ku ni maske kuantu a mustra riba e palmanan muriendo, no a hasi nada. Manera grandinan lo a bisa “si ta for di nan saku e sèn a sali lo tabata otro kos”.