WILLEMSTAD.- Ayera atardi na momentu ku outoridatnan tabata ehersiendo entrada hudisial na un adrès na Kaya Miranda, nan a tuma nota di un plantashon di mariwana na un otro kas den banda.

Ora a bai chek ku e abitantenan, a tuma nota ku ta vários mata di mariwana tabatin na e bibienda aki. A pone e abitantenan mes desmantelá e plantashon mirando ku no tabata un plantashon hopi grandi, i despues a konfiská tur e matanan aki.

A bai ku dos hòmber ku posiblemente ta responsabel pa e plantashon aki warda di polis, i despues di interogashon nan por a bai kas.