WILLEMSTAD.- Drenta den e museo pa muchanan di magia durante e Play Fair, un evento pa rekoudá fondo pa Museo di Mucha, ku ta tuma lugá dia 30 di sèptèmber. E selebrashon akí, organisá den kolaborashon ku e  Asosiashon di Museo pa Mucha (Association of Children's Museums (ACM)) i Dia Mundial di Wega di Nickelodeon, lo tenta bo imaginashon i bo kuriosidat.

E Play Fair ta start 17:00 or ku un invitashon pa drenta den un ambiente di deskubrimentu ku lo dura te 21:00 or. Durante e periodo akí, esenario lo biba ku músika ku ta lanta rekuerdonan i ta laga emoshonnan biba.

Museo di Mucha ta invitá bo pa deskubrí tur su sekretonan. E anochi akí ta un elogio na wega i kuriosidat; pa medio di wega liber ta stimulá i alimentá e mente di innumerabel manera. Museo di Mucha ta konvensí ku wega liber tin un ròl ku no por remplasá pa e desaroyo di mucha. Wega liber tin un forsa ku ta kibra limitashonnan imponé i ta nutri e chispa kreativo di kada mucha.

Kreatividat ta un talento indispensabel den e mundu di awendia ku desaroyonan ku ta sigui masha lihé tras di otro. Djòin nos den nos empeño pa (re)deskubrimentu di e poder di wega.

E evento akí pa rekoudá fondo pa Museo di Mucha ta ofresé bo e oportunidat pa sera konosí ku i apoyá nos museo i ademas pa yuda sostené i fortalesé nos kompromiso pa yega na un sistema di enseñansa ku ta inspirá i ku ta duna tur mucha mes un chèns. Nos lo usa entradanan di e evento akí pa krea oportunidatnan pa mucha sin hasi distinshon. E fondonan rekoudá lo duna nos oportunidat pa amplia loke nos ta ofresé, pa desaroyá inisiativanan nobo i pa kontinuá nos mishon pa logra un impakto positivo i duradero pa nos komunidat i futuro generashonnan. Bo apoyo no solamente lo yuda nos krea un anochi yen di divershon i rekuerdonan sino tambe lo habri pa kada mucha ku nos yama bonbiní porta pa un mundu di kresementu, enrikesimentu i oportunidatnan.

Datonan di e evento:

• 
  

• Fecha: 30 di sèptèmber

• 
  

• Ora: 17.00 - 21.00 or

• 
  

• Lugá: Fundashon Museo di Mucha, Rooi Catootje 1

• 
  

• Entrada: NAfl. 50,- (adulto) - NAfl. 25 (mucha)

• 
  

• Vestuario: sapatu kómodo pa pasa bon!

• 
  

Pa mas informashon i hasi reservashon, fabor di yama +5999 737 5261,

museum@childrensmuseumcuracao.org òf yama Museo di Mucha direktamente.