Ku introdukshon di e generashon nobo di Iqos

WILLEMSTAD. - Den nan pashon pa ofresé e humadó un mihó eskoho pa e humadó, Philip Morris International (PMI) lider mundial den inovashon pa ku produktonan liber di huma, resientemente a lansa e generashon di mas nobo di siensia ku ta Iqos 3 i Iqos 3 Multi.

Un produkto diseñá basá riba reakshonnan di e konsumidó p’asina logra un produkto manteniendo e mesun sabor di semper, e vershon nobo di Iqos lo sigui enkurashá humadónan pa kambia di sigaria tradishonal pa un produkto ku lo ta mihó pa nan salú i salú públiko.

Resientemente PMI a lansa e vershon nobo di Iqos na Hapon ku ta keda konsiderá e sitio di nasementu di Iqos. E produkto nobo aki ta ofresé e mihó na sabor i no ta un sorpresa ku ya 6 mion humadó adulto a saka sigaria tradishonal for di nan sistema.

E soño di PMI ta pa krea un mihó alternativa pa humadó i ku e produkto Iqos nan a hasi e soño aki realidat. Esaki ta e revolushon pa e 1.1 bion humadó ku tin, asina e Direktor Ehekutivo di PMI Sr. André Calantzopoulos a duna di konosé.

Iqos i Iqos 3 Multi a sòru pa un adelanto i inovashon signifikativo i asina marka tambe un otro paso firme pa konvensé tur hende hòmber i hende muhé ku ya a disidí ku nan lo sigui huma, pa kambia pa e alternativa esta produkto liber di huma.

PMI ta konvensí ku e usadónan di Iqos sa ku e produkto aki lo kambia hopi kos den nan bida.

Pa loke ta trata e desaroyo di siensia di PMI ta riba e mesun linia di Atministrashon FDA di Merka.

Iqos ta produsí un aerosol ku ta kontené 90 porshento ménos di kímiko dañino kompará ku sigaria.

Basá riba e evidensianan sientífiko te na e momentunan aki, t’asina ku si un hende kambia totalmente pa Iqos, esaki ta ménos riskante su e sigui huma.

Iqos no ta generá huma i tin ménos holó i tin signifikantemente ménos efekto den aire rondó den otronan kompará ku sigaria tradishonal.

Basá riba e averahe di 70 pa 80  porshento di usadónan di Iqos, a laga sigaria para, loke ku un prueba ku Iqos ta e alternativa den e tempu moderno pa loke ta trata un produkto liber di huma.

...Riba e kombinashon di foto por mira dia ku a lansa Iqos 3 i Iqos Multi na Hapon, kaminda ku e CEO di PMI Sr. André Calantzopoulos a presentá e produkto nobo i tambe e entusiasmo ku tabatin pa e produkto revolushonario aki. Denter korto lo lansa e produkto aki na Kòrsou.