Aktualmente mas hende ta emigrá kompará ku esnan ku ta imigrá

WILLEMSTAD.- Ta algun tempu pasa ku e Ministerio di Gobernashon, Planifikashon i Servisio (BPD) a anunsiá sifranan dje desaroyonan ku a tuma lugá riba tereno di poblashon. I algun dje puntonan remarkabel ku a sali for di e sifranan publiká ta entre otro:

• 
  

• Den e periodo di 1960-2018 e poblashon di Kòrsou a oumentá den kantidat apsoluto ku 33.390 persona (26.6%), ku ta un subida promedio pa aña di 0.45%.

• 
  

• Den e periodonan di 1986-1992 i 1999-2003 tabatin un kuestion di bahadanan serio dje poblashon. Remarkabel ta ku e periodonan ei a karakterisá nan mes pa retrasonan ekonómiko i kontrakshon.

• 
  

• Den e periodo di 2011 te sèptèmber 2018 tin un kuestion di surplus di nasementu.

• 
  

• Den e periodo di 2014-2018 tin kuestion di un desaroyo kaminda e emigrashon a surpasá e imigrashon, ku ta igual na un défisit den migrashon. Den e periodo aki tambe tin kuestion di un bahada den aktividatnan ekonómiko òf kontrakshon.

• 
  

Den su opservashonnan VBC ta bisa entre otro ku, ta parse di tin un relashon entre e estado di ekonomia i e magnitut di poblashon. Den periodonan di ménos aktividat ekonómiko i kontrakshon e emigrashon ta subi i e poblashon ta baha. Na momentu ku ekonomia ta floresé i krese, hopi biaha ta surgi nèt kontrali. Pues den kuadro di formulashon di maneho ta konsehabel pa tene kuenta ku esaki.

E sifranan ku Ministerio di BPD a publiká no ta konsistente ku esnan ku CBS a duna públikamente. Tambe ta parse ku aplikashon di e fórmula ku Ministerio di BPD tin (inisio di konteo di poblashon + sifranan di nasementu – sifranan di fayesementu + migrashon – emigrashon = sifra final di poblashon) ta yega na un otro magnitut dje poblashon.