WILLEMSTAD – Un biaha mas Kuerpo polisial a kanta bingo desmantelando otro plantashon i laboratorio di mariwana. Ta asina ku kontinuando ku un investigashon ku ta andando relashoná ku violashon di lei di opio, personal di Divishon di Krímen Organisá a tene un entrada hudisial.

Djamars 2 di febrüari 2021, den oranan di mainta polis a tene entrada hudisial na un adrès na Dokterstuin. Durante investigashon polis a haña un plantashon/ laboratorio di mariwana i a konfiská un kantidat grandi di mata di mariwana i a desmantelá e laboratorio. Durante investigashon polis no a en kontra ku ningun persona na e sitio. Pero no ta ekskluí ku denter di poko polis lo bai detené esnan responsabel pa e plantashon/laboratorio di mariwana ariba menshoná. Investigashon den e kaso aki ta kontinuá.