WILLEMSTAD – Durante un kontròl rutinario di tráfiko awe, polisnan di Unidat Spesial di Tarea (UST) a para un komersiante lokal i a konstatá ku e dokumentonan di su vehíkulo no tabata na òrdu.

Segun informashon ku EXTRA a risibí, e último biaha ku dokumentonan di e vehíkulo tabata na òrdu tabata na aña 2018. Ademas, e outo tabata kore ku number di plachi bieu.

Durante e kontròl, polis a deskubrí un arma di kandela riba e stul dilanti di e vehíkulo. Segun informashon risibí, e komersiante ta dispone di un pèrmit pa arma di kandela, pero na e momento ku polis a pará, e no por a mustra e dokumento aki.

Debí na e situashon, polis a deten'é i hib'é pa warda di polis, kaminda e mester a permanesé te ora ku por presentá e pèrmit di arma.

E kaso ta mustra ku durante un kontròl rutinario di tráfiko, polis por topa ku otro situashonnan ku ta eksigí mas investigashon.